An Clár um Chuimsiú Sóisialta agus Gníomhachtú Pobail (SICAP)

Tá An Clár um Chuimsiú Sóisialta agus Gníomhachtú Pobail (SICAP) 2024-2028 comhchistithe ag rialtas na hÉireann trí An Roinn Forbartha Tuaithe agus Pobail, agus an tAontas Eorpach trí Chiste Sóisialta na hEorpa Plus faoin Clár Fostaíochta, Cuimsithe, Scileanna agus Oiliúna (EIST) 2021-2027.

Is clár spriocdhírithe, iomlánaíoch é SICAP, dóibh siúd is mó atá faoi mhíbhuntáiste agus ar lú seans acu rochtain a fháil ar ghnáthsheirbhísí, lena soláthraítear tacaíochtaí go díreach do thairbhithe agus ceanglaítear iad le seirbhísí atá ansin cheana féin. Téann Feidhmeoirí Cláir (PIs) chun teagmhála le pobail imeallaithe agus soláthraithe seirbhíse ag baint úsáide as cur chuige forbartha pobail chun dul i ngleic le ceisteanna a bhaineann le heisiaimh sóisialta agus neamhionannas. Tugann SICAP tosaíocht chomh maith do rannpháirtíocht áitiúil agus comhpháirtíochtaí, idir Feidhmeoirí Clár SICAP, daoine aonair faoi mhíbhuntáiste, eagraíochtaí pobail agus ag gníomhaireachtaí de chuid na hearnála poiblí.

Is clár ilghnéitheach é a sholáthraíonn tacaíochtaí chun riachtanais aonair agus pobail a fhreagairt, a chinntíonn go bhfaighidh na tairbhithe tacaíochtaí ardchaighdeán, saincheaptha, agus ag an am céanna solúbthacht a cheadú chun gníomhartha a oiriúnú do riachtanas áitiúil. Ceadaíonn sé cur chuige ó bhonn aníos faoi chuimsiú chlár náisiúnta a sholáthraíonn spriocanna, táscairí feidhmíochta agus riachtanais.

Déantar an clár a struchtúrú thar dhá Sprioc:

Sprioc 1: Gníomhú chun níos mó Pobal Inbhuanaithe, Cuimsitheach agus Cumasaithe a Thógáil:

Grúpaí daoine aonair, grúpaí pobail áitiúla, líonraí agus fiontair shóisialta a chumasú chun aghaidh a thabhairt ar riachtanais chomhphobail.

Sprioc 2: Daoine faoi Mhíbhuntáiste a chumasú chun a gCaighdeán Saoil a fheabhsú:

Daoine aonair faoi mhíbhuntáiste, páistí agus teaghlaigh a thacú chun a n-oideachas foirmiúil a chur chun cinn, chun a bheith rannpháirteach i bhfoghlaim ar feadh an tsaoil, chun dul ar aghaidh chuig an bhfostaíocht/ féinfhostaíocht, agus chun a gcuid scileanna boga agus folláine a fheabhsú.

Liosta Spriocghrúpa

Tá 12 spriocghrúpa réamhshainithe socraithe do SICAP. Roghnaíodh iad seo bunaithe ar an gcomhthéacs socheacnamaíoch, an leibhéal riachtanas sa tsochaí, agus tosaíochtaí an rialtais.

1. Daoine a bhfuil cónaí orthu i bpobail atá faoi mhíbhuntáiste
2. Daoine a bhfuil tionchar ag míbhuntáiste oideachasúil orthu
3. Daoine a bhfuil cónaí orthu i dteaghlaigh atá as obair nó i dteaghlaigh a bhfuil an phríomhfhoinse ioncaim ar phá íseal agus/nó neamh chinnte
4. Daoine atá dífhostaithe go fadtéarmach
5. Daoine a bhfuil taifead maidir le stair choiriúil acu
6. Dídeanaithe
7. Iarratasóirí ar Chosaint Idirnáisiúnta
8. Daoine faoi Mhíchumas/Daoine a bhfuil Míchumais orthu
9. Ceann Teaghlaigh Aon Tuismitheora
10. Taistealaithe
11. Romaigh
12. Daoine a bhfuil cónaí orthu ar oileán