Éilíonn an Treoir um Thorann Comhshaoil (TTC) agus Rialacháin na gComhphobal Eorpach (Torann Comhshaoil) 2018 go 2021 (Na Rialacháin) go n-ullmhófar Léarscáileanna Straitéiseacha Torainn do Cheirleán Luimnigh do gach ceann de na foinsí torainn seo a leanas:
- Trácht ar Bhóithre (Gach Bóthar agus Mórbhóthar);
- Trácht Iarnróid) (Gach Iarnród agus MórIarnród);
- Mórthionscal
Tá Léarscáileanna Straitéiseacha Torainn do bhóithre, iarnróid agus tionscal san áireamh anseo do Cheirtleán Luimnigh ar fad.
Cuireann na Léarscáileanna Straitéiseacha Torainn comhrianta torainn i láthair don dá tháscaire torainn seo a leanas ag teacht le ceanglais na Rialachán Torainn Comhshaoil:
- Lden - Is é an táscaire lá - tráthnóna - oíche an táscaire torainn do leibhéal na hoíche le haghaidh crá foriomlán bunaithe ar mheán bliantúil na fuaime fadtéarmach A-ualaithe thar 24 uair an chloig le pionós 5dB(A) maidir le torann tráthnóna (19:00 - 23:00) agus pionós 10 dB (A) as torann oíche (23:00 - 07:00). Ní mór leibhéil torainn Lden os cionn na tairsí seo de 55 dB a thuairisciú don Choimisiún Eorpach;
- Lnight –Is é an táscaire oíche an táscaire torainn do leibhéal na hoíche le haghaidh suaitheadh codlata bunaithe ar mheánmhéid bliantúil fuaime fadtéarmach A-ualaithe thar thréimhse na hoíche (23:00 - 07:00). Ní mór leibhéil torainn oíche os cionn na tairsí 50 dB a thuairisciú don Choimisiún Eorpach.
Léirítear leibhéil torainn atá ag nó os cionn na dtairseach táscairí torainn atá leagtha amach thuas ag comhrianta 5 dB.
Tá na comhrianta torainn bunaithe ar shonraí atá ionadaíoch do 2021 agus ullmhaíodh iad bunaithe ar ríomhanna casta (nó ar luachanna tuartha) i gcomhréir le modheolaíocht chomhchoitinn do mheasúnú torainn arna ghlacadh ag an gCoimisiún Eorpach i gcomhréir le hAirteagal 6.2 de Threoir 2002/49/CE agus a tugadh i bhfeidhm trí Threoir ón gCoimisiún (AE) 2015/996. CNOSSOS–EU a thugtar ar an modheolaíocht choiteann nua agus tá tuilleadh sonraí le fáil ag an nasc seo.
Baineadh úsáid as an modheolaíocht chomhchoiteann nua measúnaithe den chéad uair i mBabhta 4. Táirgeadh léarscáileanna straitéiseacha torainn do bhóithre móra i Luimneach do Bhabhta 1 go 3 ag baint úsáide as modheolaíocht aitheanta éagsúil a bhí ar fáil ag an am sin. Ba cheart déan tráctht ar an t-athrú seo agus aon chomparáid dhíreach á dhéanamh idir léarscáileanna Bhabhta 4 agus léarscáileanna do Bhabhtaí roimhe seo mar go mbeidh na modheolaíochtaí samhaltaithe chomh maith le tacair sonraí ionchuir athraithe.
Is é cuspóir na Léarscáileanna Straitéiseacha Torainn ná na nithe seo a leanas a sholáthar:
- sonraí ábhartha don Choimisiún Eorpach i gcomhréir le ceanglais na Treorach Torainn Comhshaoil;
- foinse faisnéise don phobal i gcoitinne ar thorann comhshaoil agus a éifeachtaí;
- an bonn le Pleananna Gníomhaíochta Torainn a fhorbairt chun limistéir thosaíochta torainn agus limistéir chiúin a aithint agus bearta maolaithe ábhartha a mholadh chun cabhrú le héifeachtaí díobhálacha na bhfoinsí torainn seo a mhaolú.
Is féidir na Léarscáileanna Straitéiseacha Torainn do Cheirtleán Luimnigh a íoslódáil ag baint úsáide as na naisc thíos.