Tá €11 milliún i gcistiú fógartha ag an Aire Forbartha Tuaithe agus Pobail agus Gaeltachta, Dara Calleary TD, i gcomhair áiseanna pobail agus spóirt ar fud na tíre faoin gclár CLÁR 2025 (Ceantair Laga Ard-Riachtanais).Tacóidh an maoiniú seo leis na céadta tionscadal le fócas ar leith ar cheantair inar tháinig laghdú suntasach ar an daonra. Cuirfear trí dheontas déag ar luach suas le €65,000 agus dhá dheontas eile ar luach suas le €100,000 ar fáil chun tacú le forbairt áiseanna pobail agus spóirt, clubanna óige, clóis súgartha, gairdíní na gcéadfaí, raonta siúlóide agus go leor eile.
Bearta CLÁR 2025
Tá Beart amháin faoi chlár CLÁR 2025 á sheachadadh trí Chomhairle Cathrach agus Contae Luimnigh: Beart 1: Áiseanna agus Conláistí Pobail a Fhorbairt
Tá iarratais á lorg ag Comhairle Cathrach agus Contae Luimnigh ó Scoileanna/Grúpaí Pobail agus ó Chuideachtaí Forbartha Áitiúla maidir le Beart 1 do thionscadail laistigh de na limistéir CLÁR ainmnithe. Is féidir le Grúpaí Pobail eagraíochtaí áitiúla spóirt a áireamh in áit a bhfuil an bonneagar a fhaigheann tacaíocht chun leasa an phobail i gcoitinne (ní hamháin an eagraíocht spóirt) agus a chuirtear é ar fáil go héasca do gach ball den phobal gan aon srianta ná ceanglais bhreise a bheith curtha i bhfeidhm.
Caithfidh aon áiseanna pobail a mhaoinítear a bheith ar oscailt don phobal gan riachtanas a bheith mar bhall de chlub, cláraithe i scoil srl. Ní mór d’áiseanna ar thailte na scoile a bheith ar oscailt don phobal lasmuigh d’uaireanta scoile m.sh. tráthnónta, deirí seachtaine agus laethanta saoire scoile.
Samplaí de thionscadail a bhféadfaí tacaíocht a thabhairt dóibh:
- Oibreacha athchóirithe ar mhionscála ar ionaid phobail
- Limistéir Cluichíochta Ilúsáide (LCI)/áiseanna Astro-Turf lena n-áirítear uasghrádú
- Clóis Súgartha/Páirceanna scátála/Pumpraonta/Raonta rothaíochta/ Spásanna do dhéagóirí
- Raonta Siúl/Rith/Lúthchleasaíochta
- Cúirt Liathróide Láimhe/ Cúirteanna Leadóige/ Cúirteanna Cispheil/ Tailte Cruicéid/ Limistéir Bhabhlála Allamuigh
- Giomnáisiam Pobail/ Pictiúrlanna Pobail
- Gairdíní na gCéadfaí / Gairdíní Pobail / Cuibhrinn/ Plandáil bithéagsúlachta
- Rochtain ar láithreáin oidhreachta áitiúla uathúla / limistéir áilleachta nádúrtha
- Áiseanna leithris agus feistis feabhsaithe lasmuigh
- Carrchlós
- Feabhas a chur ar rochtain ag tailte spóirt m.sh. forbairt/uasghrádú ardáin lucht féachana ag tailte spóirt áitiúla le fócas ar leith ar rochtain a fheabhsú do dhaoine de gach cumas agus aois
- Araidí Gréine
Sa scéim CLÁR 2025, ní dhéanfar na tionscadail seo a leanas a mhaoiniú:
- Bearta Sábháilteachta Scoile/Pobail
- Cosáin
- Marcanna bóthair / trasrianta coisithe
- Scáthláin bhus
- Oibreacha ar fhoirgnimh scoile reatha nach bhfuil oscailte don phobal tar éis uaireanta scoile
- TCI
Is é an t-uasleibhéal maoinithe d’aon tionscadal aonair ná 90% de chostais iomlána an tionscadail. Ní mór an 10% eile nó iarmhéid an chostais a sholáthar trí acmhainní údaráis áitiúil / pobail / eile. Glacfar le ranníocaíochtaí daonchairdiúla mar chostais iomlána nó mar chuid de chostais mhaoinithe meaitseála.
Ní mór Cruthúnas ar Chistiú Meaitseála a bheith i bhfeidhm tráth an iarratais
Tabhair faoi deara le do thoil nach féidir le maoiniú meaitseála teacht ó Scéimeanna eile den RFTP.
Is é an dáta deiridh chun foirmeacha iarratais tionscadail a chur isteach ná 4in Dé hAoine 30ú Bealtaine 2025.
Is féidir le Comhairle Cathrach agus Contae Luimnigh uasmhéid de 15 iarratas (13 iarratas de suas le €65,000 agus dhá iarratas eile suas le €100,000), faoi Bheart 1, a chur ar ghearrliosta lena gcur faoi bhráid na Roinne Forbartha Tuaithe agus Pobail ar aghaidh. Tá sé tábhachtach go léireoidh iarratais fianaise shoiléir ar riachtanas agus go dtugann siad breac-chuntas ar ábharthacht an tionscadail (maidir le) do Phlean Áitiúil Eacnamaíochta agus Pobail Luimnigh (PÁPL) agus/nó pleananna áitiúla nó réigiúnacha eile. Cliceáil anseo le haghaidh doiciméad Plean Forbartha Luimnigh 2022-2028.
Déanfaidh Comhairle Cathrach agus Contae Luimnigh iarratais a mheas maidir le hoiriúnacht bunaithe ar an eolas atá leagtha amach san iarratas. Iarrann Comhairle Cathrach agus Contae Luimnigh ar gach páirtí leasmhara athbhreithniú a dhéanamh ar achoimre na scéime agus an fhoirm Iarratais Tionscadail ábhartha a chomhlánú.
Ba cheart cead pleanála a fháil roimh iarratas. Mura bhfuil sé daingnithe, ní mór an uimhir thagartha pleanála a sholáthar mar fhianaise ar iarratas a bheith curtha isteach.
Is féidir Achoimre na Scéime, Foirmeacha Iarratais Tionscadail, Léarscáil de Cheantair CLÁR Luimnigh, Liosta de Cheantair CLÁR Luimnigh (Toghroinn Ceantair) a íoslódáil thíos nó is féidir ceisteanna a chur chuig CLAR@limerick.ie nó ar an bhfón chuig 061-556344.
Seachas an Bheart thuas atá á sheachadadh trí Chomhairle Cathrach agus Contae Luimnigh, beidh an Roinn Forbartha Tuaithe agus Pobail ag glacadh le hiarratais go díreach, maidir leis na Bearta seo a leanas:
- Beart 2: Soghluaisteacht, Cúram Ailse agus Iompar na gCéad Fhreagróirí sa Phobal
- Beart 3: ‘Ár nOileáin
Ba chóir iarratais faoi Bheart 2 agus 3 a chur isteach go díreach chuig an Roinn. Tá Achoimrí Scéimeanna agus Foirmeacha Iarratais ar fáil ar Shuíomh Gréasáin an Rialtais trí chliceáil anseo.
Ní mór Iarratais Thionscadail Chomhlánaithe mar aon le doiciméid tacaíochta, maidir le Beart 1, a chur faoi bhráid Chomhairle Cathrach agus Contae Luimnigh faoi 4in Dé hAoine 30ú Bealtaine 2025.
Trí Ríomhphost chuig (an modh is fearr): CLAR@limerick.ie
Nó
Tríd an bPost chuig:
CLÁR 2025
Forbairt Tuaithe
Stiúrthóireacht Forbartha Tuaithe, Cultúir, Pobail agus Turasóireachta
Comhairle Cathrach & Contae Luimnigh
Cé na gCeannaithe
Luimnigh
V94 EH90
