Is as Contae Luimnigh mé agus déanaim ionadaíocht ar Cheantar Bardasach na Ceapaí Móire/Chill Mocheallóg. Toghadh ar Chomhairle Contae Luimnigh mé den chéad uair i 1999 agus atoghadh mé i ngach toghchán ina dhiaidh sin.
Bhí mé i mo Chathaoirleach ar an gComhairle i 2002/2003 agus 2005/2006. Le linn mo thréimhse in oifig, d’fhreastail mé ar go leor grúpaí polasaí straitéiseacha éagsúla sa Chomhairle, is iarbhall mé de Choiste Gairmoideachais Chontae Luimnigh agus anois is ball mé de Bhord Oideachais agus Oiliúna Luimnigh agus an Chláir.
Bhí mé páirteach i go leor eagraíochtaí agus coistí áitiúla le himeacht na mblianta agus bhí suim mhór agam i gcónaí sa pholaitíocht agus i ndaoine. Ba bhealach é seasamh i dtoghchán na Comhairle chun cabhrú le pobail áitiúla agus chun cabhrú le tionchar a imirt ar bheartais san údarás áitiúil.
Tá ionadaíocht na mban fós an-íseal ar fud na polaitíochta, agus spreagfainn níos mó ban teacht chun cinn le haghaidh toghchán ionas go mbeadh córas toghcháin níos cothroime agus níos ionadaí.