Ghlac Comhaltaí Tofa Chomhairle Cathrach agus Contae Luimnigh Plean Forbartha Luimnigh 2022-2028 Ag Cruinniú Speisialta an 17 Meitheamh 2022 agus tháinig sé i bhfeidhm an 29 Iúil 2022.
- Athrú Beartaithe Uimh. 3
- Athrú Uimhir a hAon
- Athrú Uimhir a Dó
- Plean Forbartha Luimnigh 2022-2028 (mar a hathraíodh)
Athrú Beartaithe Uimh. 3
Tugtar fógra leis seo, de bhun Alt 58(13) den Acht um Pleanáil agus Forbairt, 2024 (arna leasú), gur ullmhaigh Comhairle Cathrach agus Contae Luimnigh, arb í an t-údarás pleanála don limistéar í, Athruithe Ábhartha atá Beartaithe ar an Athrú atá Beartaithe Uimh. 3 de Phlean Forbartha Luimnigh 2022–2028 (arna athrú).
I gcomhréir le hAlt 58(13) den Acht um Pleanáil agus Forbairt, 2024 (arna leasú), tá cinneadh déanta nach bhfuil Measúnacht Straitéiseach Comhshaoil (MSC) ná Measúnacht Chuí (MC) ag teastáil i leith na nAthruithe Ábhartha atá Beartaithe.
Tá na hAthruithe Ábhartha atá Beartaithe ag gabháil leis na nithe seo a leanas:
- Cinneadh Scagtha maidir le Measúnacht Straitéiseach Comhshaoil (MSC) maidir leis na hAthruithe Ábhartha atá Beartaithe ar Athrú atá Beartaithe Uimh. 3 , de bhun Threoir Eorpach maidir le Measúnacht Straitéiseach Comhshaoil (2001/42/CE) agus Rialacháin an Aontais Eorpaigh (Pleanáil Úsáide Talún – Measúnacht Straitéiseach Timpeallachta), 2025;
- Cinneadh Scagtha maidir le Measúnacht Chuí (MC) agus Tuarascáil Scagtha MC maidir leis na hAthruithe Ábhartha atá Beartaithe ar an Athrú atá Beartaithe Uimh. 3, de bhun Airteagal 6(3) de Threoir Eorpach na nGnáthóg (92/43/CEE) agus den Acht um Pleanáil agus Forbairt, 2024 (arna leasú); agus
- Measúnacht Straitéiseach ar Riosca Tuilte (MSRT) maidir leis na hAthruithe Ábhartha atá Beartaithe ar an Athrú atá Beartaithe Uimh. 3, de réir na dTreoirlínte ábhartha faoi Alt 28.
Taispeáint Phoiblí Ar Na Hathruithe Ábhartha Atá Beartaithe
Beidh na hAthruithe Ábhartha atá Beartaithe ar an Athrú atá Beartaithe Uimh. 3, mar aon leis na doiciméid ghaolmhara maidir leis an Measúnacht Straitéiseach Comhshaoil (MSC), an Measúnacht Chuí (MC) agus an Mheasúnacht Straitéiseach ar Riosca Tuilte (MSRT), ar taispeáint go poiblí ón Satharn, an 25 Iúil, go dtí an Luan, an 24 Lúnasa, ag 5pm. Is féidir na doiciméid seo a fheiceáil ar líne ag mypoint.limerick.ie agus sna háiteanna seo a leanas le linn gnáthuaireanta oscailte:
- Ceanncheathrú Chorparáideach Chomhairle Cathrach agus Contae Luimnigh, Cé na gCeannaithe, Luimneach;
- Comhairle Cathrach agus Contae Luimnigh, Halla an Chontae, Tuar an Daill, Luimneach;
- Oifigí Ceantair Bhardasacha Chomhairle Cathrach agus Contae Luimnigh sa Chaisleán Nua, i gCill Mocheallóg agus i Ráth Caola;
- Leabharlann Chathair Luimnigh, Teach na Bearú, Sráid Mhichíl, Luimneach
- Leabharlann Thuar an Daill, Tuar an Daill, Luimneach;
- Leabharlann Chrois Theach na Foraire, Ionad Siopadóireachta Chrois Theach na Foraire, Maigh Rois, Luimneach.
Aighneacht A Dhéanamh
Iarrann Comhairle Cathrach agus Contae Luimnigh ar pháirtithe leasmhara aighneachtaí nó tuairimí a sholáthar maidir leis na hAthruithe Ábhartha atá Beartaithe (agus na doiciméid ghaolmhara maidir leis an Measúnacht Straitéiseach Comhshaoil (MSC), an Mheasúnacht Chuí (MC) agus an Mheasúnacht Straitéiseach ar Riosca Tuilte (MSRT)) ón Satharn, an 25 Iúil, go dtí an Luan, an 24 Lúnasa 2026, ag 5pm, ar cheann de na bealaí seo a leanas:
- Ar líne ag https://mypoint.limerick.ie
- Ríomhphost chuig forwardplanning@limerick.ie; nó
- I scríbhinn chuig Réamhphleanáil – Stiúrthóireacht Phleanála, Oidhreachta agus Chorn Ryder, Comhairle Cathrach agus Contae Luimnigh, Cé na gCeannaithe, Luimneach
Ní ghlacfar le haighneachtaí déanacha.
I ndáil le haighneacht nó barúil a chur isteach maidir leis an athrú beartaithe, tabhair faoi deara an méid seo a leanas:
- Ní chuirfear san áireamh, sula ndéanfar an tAthrú atá Beartaithe, ach na haighneachtaí nó na tuairimí maidir leis na hAthruithe Ábhartha atá Beartaithe ar an Athrú atá Beartaithe Uimh. 3 agus/nó na doiciméid ghaolmhara maidir leis an MSC, an MC nó an MSRT, a chuirtear faoi bhráid an Údaráis Pleanála laistigh den tréimhse atá sonraithe.
- Ba cheart ainm, seoladh agus léarscáil (más gá chun críocha aitheantais) a chur san áireamh in aon aighneacht nó tuairim agus,
- más ábhartha, sonraí faoi aon eagraíocht, grúpa pobail, cuideachta nó eintiteas eile a bhfuil tú ag déanamh ionadaíochta dóibh.
- Tabhair faoi deara go bhfoilseofar gach aighneacht a gheofar ar líne i gcomhréir le ceanglais an Achta um Pleanáil agus Forbairt, 2024 (arna leasú)
- Déan d’aighneacht trí mheán amháin, le do thoil, i.e. cóip chrua, ríomhphost nó ar líne.
- Cuir an ceannteideal seo a leanas isteach le do thoil: “Athruithe Ábhartha atá Beartaithe ar an Athrú atá Beartaithe Uimh. 3 ar Phlean Forbartha Luimnigh 2022–2028.”
Fógra maidir leis an gCinneadh i leith na Measúnachta Cuí ar na hAthruithe Ábhartha atá Beartaithe ar an Athrú atá Beartaithe Uimh. 3
Maidir leis an gcinneadh de bhun Alt 58(13)(c) agus Alt 202 den Acht um Pleanáil agus Forbairt, 2024 (arna leasú), agus Threoir an Aontais Eorpaigh maidir le Gnáthóga (92/43/CEE), chinn an tÚdarás Pleanála, ar bhonn scagtha le haghaidh measúnachta cuí, gur féidir a chur as an áireamh go mbeadh aon dóchúlacht ann go mbeadh éifeacht shuntasach ag aon Athrú Ábhartha atá Beartaithe (ina aonar nó i gcomhar le haon phlean nó tionscadal eile) ar aon láithreán Eorpach, i bhfianaise na gcuspóirí caomhnaithe maidir leis na gnáthóga nó na speicis ar ainmníodh na láithreáin sin. Dá bhrí sin, ní gá MC Chéim 2 a dhéanamh i leith na nAthruithe Ábhartha atá Beartaithe. Is féidir an Cinneadh maidir leis an ngá atá le Measúnacht Chuí a fheiceáil ag https://mypoint.limerick.ie
Tabhair Faoi Deara
Tá Comhairle Cathrach agus Contae Luimnigh faoi réir fhorálacha an Achta um Shaoráil Faisnéise (2014) agus an Rialachán Ginearálta maidir le Cosaint Sonraí (RGCS). Tabhair faoi deara agus tú ag tabhairt do shonraí teagmhála go bhfuil tú ag aontú le beartas RGCS na Comhairle.
Athrú Uimhir a hAon
Ghlachaigh na Baill Tofa Athrú Uimhir a hAon ar Phlean Forbartha Luimnigh 2022-2028 ar an 22 lá Bealtaine 2023, atá cuimsithe as leasú Beartais TR P11 Sabháilteacht Bóthair agus Cumas Iompair Líonra Bóthair neamh-náisiúnach agus Cuspóir TR O37 Úsáid Talúin agus Caighdeánaithe Rochtana.
Athrú Uimhir a Dó
Ghlachaigh na Baill Tofa Athrú Uimhir a Dó ar Phlean Forbartha Luimnigh 2022-2028 (mar a hathraíodh) ar an 30 lá Márta 2026 lena n-áirítear leasú ar Chuspóir TR O37 maidir le rochtain ar bhóithre faoi bhun chaighdeán
Tá nasc chuig Plean Forbartha Luimnigh 2022-2028 (mar a hathraíodh) agus Tuarascálacha comhshaoil gaolmhara ar fáil thíos.
