Tá tú i dteideal rochtain a iarraidh ar fhaisnéis faoin gcomhshaol atá i seilbh Chomhairle Cathrach agus Contae Luimnigh. Tagann an ceart seo ó Rialacháin na gComhphobal Eorpach (Rochtain ar Fhaisnéis faoin gComhshaol) (Leasú) 2007 go 2018 nó “na Rialacháin AIE”.
- Conas Eolas Comhshaoil a Iarraidh
- Catagóirí Faisnéise ar féidir leat rochtain a fháil orthu
- Ceart Achomhairc
- Eolas teagmhála
- Naisc Úsáideacha
Conas Eolas Comhshaoil a Iarraidh
- Chun iarratas a chur isteach, is féidir leat ríomhphost a chur chuig foi@limerick.ie nó litir a scríobh ina leagtar amach an cineál faisnéise atá uait
- Ba chóir ríomhphost/litir a sheoladh chuig Jennifer Withero, Oifigeach AIE, Comhairle Cathrach agus Contae Luimnigh, Cé na gCeannaithe, Luimneach V94 EH90
- Agus do r-phost/litir á scríobh, cinntigh go ndéarfá go bhfuil rochtain á lorg agat ar fhaisnéis faoi na Rialacháin um Rochtain ar Fhaisnéis faoin gComhshaol 2007 go 2018.
- Tabharfaimid freagra duit tráth nach déanaí ná mí amháin tar éis d'iarratais.
Catagóirí Faisnéise ar féidir leat rochtain a fháil orthu
Clúdaíonn an Treoir faisnéis a choinnítear i bhfoirm scríofa, amhairc, éisteachta, leictreonach nó ábhar ar bith eile. Tá sé chatagóir faisnéise sa Treoir seo:
- Staid eilimintí an chomhshaoil, e.g. aer, uisce, ithir, talamh, tírdhreach, éagsúlacht bhitheolaíoch.
- Tosca a théann i bhfeidhm ar ghnéithe an chomhshaoil, nó ar dócha go mbeidh tionchar acu orthu, e.g. fuinneamh, torann, radaíocht, dramhaíl, scaoileadh eile isteach sa chomhshaol.
- Bearta atá deartha chun gnéithe an chomhshaoil a chosaint, e.g. beartais, reachtaíocht, pleananna, cláir, comhaontuithe comhshaoil.
- Tuarascálacha ar chur i bhfeidhm na reachtaíochta comhshaoil.
- Anailís agus boinn tuisceana a úsáidtear faoi chuimsiú na mbeart atá ceaptha chun an comhshaol a chosaint.
- Staid shláinte agus sábháilteachta an duine, an bhiashlabhra, láithreáin chultúrtha agus struchtúir thógtha sa mhéid is go bhféadfadh gnéithe an chomhshaoil cur isteach orthu.
Táillí
- Luann 15 (1) - A.I Uimh. 133/2007 Rialachán na gComhphobal (Rochtain ar Fhaisnéis faoin gComhshaol) 2007 go bhféadfadh “Údarás Poiblí táille a ghearradh nuair a chuireann sé faisnéis chomhshaoil ar fáil de réir na Rialachán seo (lena n-áirítear nuair a chuireann sé faisnéis den sórt sin ar fáil tar éis achomhairc chun an Choimisinéara faoi airteagal 12), ar choinníoll go mbeidh an táille sin réasúnach ag féachaint don Treoir.”
- 15(2) – I gcás ina ngearrann údarás poiblí táille de bhun fho-airteagal (1), cuirfidh sé liosta táillí a ghearrtar, faisnéis faoi conas a ríomhtar iad agus na himthosca faoina bhféadfar iad a tharscaoileadh ar fáil don phobal.
Tá táillí san áireamh ar Scála Táillí Chomhairle Cathrach agus Contae Luimnigh agus gearrfar iad ar an mbonn céanna leo siúd a chuirtear i bhfeidhm faoi láthair faoi Shaoráil Faisnéise:
Na Rialacháin um Rochtain ar Fhaisnéis faoin gComhshaol 2007 |
||||
Ráta muirir in aghaidh na huaire (Bailigh & cuir Faisnéis ar fáil lena hathúsáid) |
€20.00 |
|||
Fótachóip in aghaidh na cóipe |
||||
1-2 Leathanach A4 |
Tarscaoilte |
|||
>2 Leathanach |
€0.19 |
|||
Leathanach A3 |
€0.98 |
|||
AO/A1/A2 |
€2.46 |
|||
CO ROM |
€10.00 |
Má ghearrtar táillí ort ar d’iarratas agus má tá an táille thar d’acmhainn, féadfaidh tú iarratas a dhéanamh chun an táille a laghdú nó a tharscaoileadh. Beidh fianaise dhoiciméadach ar d’acmhainn ag teastáil, mar shampla, fianaise go bhfuil cárta leighis reatha agat nó go bhfuil sochar leasa shóisialaigh á fháil agat. Déileáltar le gach iarratas ar tharscaoileadh ar bhonn cás ar chás.
Ceart Achomhairc
Má dhiúltaítear d’iarratas go hiomlán nó go páirteach féadfar athbhreithniú inmheánach a lorg tráth nach déanaí ná mí amháin tar éis an dáta ar tugadh fógra faoin gcinneadh bunaidh. Chun athbhreithniú inmheánach a iarraidh, scríobh chuig Laura Flannery Uasal, Oifigeach Feidhmiúcháin Sinsearach, An Roinn Seirbhísí Corparáideacha, Comhairle Cathrach agus Contae Luimnigh, Cé na gCeannaithe, Luimneach V94 EH90. Nó is féidir leat d’achomharc a sheoladh ar ríomhphost chuig foi@limerick.ie.
Tá ceart achomhairc eile ann chuig Oifig an Choimisinéara um Fhaisnéis Comhshaoil, 6 Ardán Phort an Iarla, Baile Átha Cliath 2 nó tabhair cuairt ar www.ocei.ie le haghaidh tuilleadh sonraí.
Eolas teagmhála
Oifigeach AIE
Oifigeach AIE
Comhairle Cathrach agus Contae Luimnigh
Cé na gCeannaithe
Luimnigh V94 EH90
Fón: +353 61 557040
Ríomhphoist: foi@limerick.ie