Tá THRIVE ag cur beatha nua ar Shráid Nioclás. Trí athfhorbairt Láthair an Teallaigh ag 35-39 Sráid Nioclás, éiríonn spás a bhí faoi dhearmad tráth ina mhol bríomhar don chultúr, don chruthaitheacht agus don nasc, lena dtugtar daoine agus smaointe le chéile i gcroílár Luimnigh mheánaoisigh.
Tá €6.56 milliún faighte ag Comhairle Cathrach agus Contae Luimnigh i maoiniú THRIVE chun Láthair an Teallaigh stairiúil ar Shráid Nioclás a chlaochlú ina Mhol Dearaidh agus Nuálaíochta suntasach i gcroílár Luimnigh mheánaoisigh. Déanfar athghiniúint leis an tionscadal ar 35-39 Sráid Nioclás, agus caomhnófar an teallach meánaoiseach agus an creatlach stairiúil atá fós ann agus oibreofar le comhpháirtithe chun FORGE Design Factory, a bhunú, ionad nua cruthaitheachta a chuirfidh stiúideonna, spásanna taispeántais agus miondíola, agus caifé ar fáil. Cuirfear deiseanna ar fáil leis an mol bríomhar sin d’ealaíontóirí, do dhéantóirí, d’fhiontraithe agus do chuairteoirí, rud a chabhróidh le beocht agus gníomhaíocht athnuaite a thabhairt do cheann de shráideanna is stairiúla na cathrach. Meastar gur spreagadh mór í an infheistíocht d’athbheochan níos leithne Shráid Nioclás agus Oileán an Rí i gcoitinne. Tá cead pleanála agus maoiniú faighte agus rannpháirtíocht láidir ón bpobal ar fad agus, mar sin, beidh an tionscadal in ann dul chun cinn go tapa agus buntáistí eacnamaíocha agus cultúrtha buana a sholáthar.
Cómhaoiníonn Rialtas na hÉireann agus an tAontas Eorpach THRIVE trí Chlár Réigiúnach an Deiscirt, an Oirthir agus Lár Tíre 21-27 CFRE. Cheap na Tionóil Réigiúnacha agus an Roinn Tithíochta, Rialtais Áitiúil agus Oidhreachta an scéim le chéile chun aghaidh a thabhairt ar chuspóirí beartais Eorpacha, náisiúnta agus réigiúnacha. Tá tuilleadh eolais ar fáil anseo.
Sonraí Teagmhála
- Ríomhphost: forwardplanning@limerick.ie
- Fón: 061 557029