Agus dramhaíl Tógála agus Scartála ar an sruth dramhaíola is mó in Éirinn (8 milliún tonna in aghaidh na bliana) agus na láithreáin líonta talún beagnach lán, moltar dúinn glacadh le cleachtais níos ciorclaí.
Má tá obair tógála ar bith beartaithe agat ar baile, féach le do thoil ar na hacmhainní atá ar fáil anseo agus cuir athúsáid, athchúrsáil agus scaradh dramhaíola atá déanta i gceart in ord tosaíochta.
- Smaoinigh sula gcuireann tú i Scipe Dramhaíola é - MyWaste.ie
- MyWaste.ie Circular Guide to Clear Outs
Ná cuir dramhaíl tógála agus scartála amhail cré, cloch, coincréit agus ábhair chomhchosúla sa choimeádán líonta talún ná athchúrsála. Tabhair chuig Ionad Athchúrsála í ina ionad sin.
Dramhaíl Théagartha
Áirítear tochtanna, leapacha agus ábhair a ghlantar as áiléir nó seid i ndramhaíl théagartha.
Conas dramhaíl théagartha a dhiúscairt:
- Bain úsáid as bailitheoir dramhaíola ceadaithe a thiocfaidh díreach go dtí do theach ar bhonn coinne chun na hearraí dramhaíola téagartha a bhailiú.
- Faigh scipe bruscair ar cíos ó bhailitheoir dramhaíola ceadaithe.
- Tabhair díreach chuig ionad aistrithe dramhaíola údaraithe.
- Tabhair earraí áirithe chuig Ionad Athchúrsála.
Nuair atá bailitheoir dramhaíola ceadaithe in úsáid agat:
- Déan cinnte go bhfuil cead don sórt dramhaíola atá á mbailiú acu, ag an mbailitheoir dramhaíola. Tabhair cuairt ar shuíomh gréasáin Oifig Náisiúnta Cead Bailithe Dramhaíola do liosta iomlán soláthraithe seirbhísí bailithe dramhaíola agus na hábhair a bhfuil cead acu a bhailiú.
- Cuir ceist chun cead bailithe dramhaíola do bhailitheora dramhaíola a fheiceáil.
- Coimeád nóta d’am agus dáta an bhailiúcháin agus uimhir chlárúcháin na feithicle.
- Lorg admháil i gcónaí.
Tabhair do d’aire: Is coir é bailitheoir dramhaíola nó oibreoir scipe mídhleathach (nach bhfuil ceadaithe) a fháil ar cíos, agus má dhéantar féadfar tú a ionchúiseamh.