Tá Comhairle Cathrach agus Contae Luimnigh páirteach i roinnt feachtas feasachta le scoileanna, le hollscoileanna agus le hionaid oiliúna d’aosaigh.
Scoileanna Glasa
Cuireann Comhairle Cathrach agus Contae Luimnigh Clár Scoileanna Glasa de chuid An Taisce chun cinn go gníomhach i measc daltaí bunscoile agus meánscoile. Cuireann an clár idirnáisiúnta seo ar chumas scoileanna ceisteanna comhshaoil a thógáil agus iad a chur i bhfeidhm i saol laethúil na scoile.
Reáchtáiltear ceardlanna oiliúna múinteoirí i gcomhar leis An Taisce uair sa bhliain.
Tá an tOifigeach Feasachta Comhshaoil ar fáil chun comhairle a chur ar an bhfoireann agus ar na mic léinn faoin gclár. Déanann baill foirne ó Chomhairle Cathrach agus Contae Luimnigh measúnú ar scoileanna ar na Téamaí Scoileanna Glasa go léir (seachas téama an taistil).
Cliceáil anseo le haghaidh foirm chlárúcháin na Scoileanna Glasa.
Campas Glas
Tá an Clár um Champas Glas do gach institiúid iar-mheánoideachais agus ardoideachais. Tá sé mar aidhm ag an gclár a chinntiú gur féidir le baill de phobal an champais bheith páirteach ar bhealach bríoch le hinbhuanaitheacht ar an gcampas a fheabhsú.
Tá tacaíocht/comhairle ar fáil ó Chomhairle Cathrach agus Contae Luimnigh d’institiúidí tríú leibhéal a bhfuil sé ar intinn acu tosú le clár Campas Glas de chuid An Taisce.
EcoUnesco
Chuir Comhairle Cathrach agus Contae Luimnigh ceardlanna EcoUnesco ar fáil do ghrúpaí pobail, agus tacaíonn siad le Gradaim Chomhshaolaí Óg na Bliana freisin.
Junk Kouture
Is comórtas náisiúnta é Junk Kouture do dhaltaí dara leibhéal in Éirinn agus i dTuaisceart Éireann a thugann dúshlán do dhéagóirí faisean inchaite ardleibhéil a chruthú as bruscar laethúil a bheadh sa bhosca bruscair de ghnáth.
Tá sé mar aidhm ag Junk Kouture paisean a spreagadh agus a lasadh sna déagóirí seo, agus, ag an am céanna, oideachas a chur orthu go caolchúiseach faoin tábhacht a bhaineann le dramhaíl a athchúrsáil agus a athúsáid ar mhaithe leis an bpláinéad.